لم ألتقيه يوما، و لكن لطالما تمنيت ان أكون من تلاميذة
لم تسعفنى الظروف أن أحضر صالونة الثقافى، و لكنى لم أستطع ألا أقرأ كتبهلست عضوا فى حركة كفاية، و لكن الحركة يكفيها فخرا ان منسقها العام، هو الدكتور عبد الوهاب المسيرى
تخلت الدولة عنه و تركته و حيدا مع المرض، و لكنه ليس وحيدا، لأن الآلاف من تلاميذة لن يتركوه وحيدا
فلنفكر سويا "ماذا يمكن أن نفعل لرجل بتلك القيمة ، ليس لمساعدته فى محنته، و لكن لنجعله يعلم أن تلاميذة يشعرون تجاهه على الاقل بالإمتنان"
الحوار جارى حول ماذا يمكن ان نفعل تجاهه على مدونة زنزانة
لنفكر سويا ماذا يمكن ان نفعل
.jpg)
14 comments:
غلطته أنه بتاع علم و كتب و كلام فارغ من ده..حد يضيع عمره برضه عشان يعمل موسوعه تاريخيه عن اليهود و الصهاينه..فيها ايه يعني لو كان اتعلم شويه كوره أو طلع هز وسطه و قال بحبك يا حمار او كان غني و خلاص أنا بكره اسرائيل...ساعتها كان حيتعالج علي نفقه الدوله و الريس كان حيتصل يطمن عليه كل يوم
:)
تحياتي لك و ربنا يشفيه
ده التمن اللي بيدفعه كل واحد احترم نفسه و ما قبلش انه يكون واحد من القطيع اللي ماشي في ركاب السلطه
اتمنى ان يكون هناك ما يمكن عمله
ولكن المفكرين في بلادنا مُعذبون
المجد للهلس
المجد لكل ما هو دَنِس
يحضرني كثيرا من كلمات المعظم مُقدَس الروح نجيب سرور و لكن ...
micheal
للأسف إن فعلا كل اللى إنت قلته ده صح، الدولة دلوقتى بتهتم باللى بيزوا وسطهم، و بيهبلوا و بيضحكوا على عقول الناس، إنما الناس اللى قيمتها فى فكرها و مخها، ملهاش قيمة فى البلد دى.
و لسه فى ناس بتسأل إحنا مش دولة متقدمة ليه؟
تحياتى لك و بدعيله فعلا من قلبى ربنا يشفيه
إتفضل عندنا
طيب و إحنا حنسيبه لوحده يدفع التمن؟
الراجل ده قيمة، لازم نقف جنبه و نسانده حتى و لو بالإعلان عن تقديرنا له
يسارى مصرى
لو نجيب سرور لسه عايش، كان طلع قصايد تملا مجلدات من اللى بيحصل فى البلد دلوقتى
إنشاء الله حنلاقى حاجة نعملها و نعرف الناس قيمة الراجل ده
سمعت ان المشكلة قد تم حلها بتعهد رجل اعمال كبير بتحمل كافة المصاريف
تحياتي
صاحب البوابة
أتمنى إن الموضوع يكون إتحل، ربنا يسهل
بس برضه لازم نفكر فى طريقة، نظهر للراجل ده إن إحنا عارفين قيمته.
تقديرنا ليه فى الوقت ده، أكيد هيرفع روحه المعنوية، و دى حاجة مهمة قوى فى العلاج على فكرة
و يا رب قبل ما اموت، أشوف حكومة فى مصر بتفكر، و لو لمرة واحدة، و لو كتير يا رب، خليها بس لخمس دقايق
آمين
تحياتى لك
انا شايف ان مش الدول هيه الى رافضه تعالجه ده هوه الى اصلاً مش عايز كده
و عنده حق لانه عقبال ما يثبت انه فعلاً مريض و يستحق العلاج على نفقة الدوله هيكون المرض قضى عليه كله و خصوصاً انه مرضه لا يستحمل التأخير
دعائنا له بالشفاء و انشاء الله هطلع على الزنزانه علشان اشوف ايه الى ممكن نعمله حتى لو كان معنوى بالنسبه لهذا الانسان القدير
تحياتى
ربنا يشفية والزمن دة مش عاوز غير بحبك يا حمار دة حتي الحمار بيعظمة هههههههههههههههههههههههه
Whyme
أولا، شكرا لتشريفك بزيارتى، و بهنيك على المدونة بتاعتك، بصراحة هايلة.
بالنسبة لدكتور المسيرى، الراجل عنده كرامه، و ده أجدر بالإهتمام من الدولة.
أنا اذكر إن فيه فنان، طلب إنه يتعالج على نفقة الدولة، مع إنه كان معاه فلوس كتير، و الدولة وافقت فى أيام، إتعملت حملة على الموضوع ده فى الإعلام ساعتها، و قالوا إن الدولة بتهتم بالفن و المثقفين. بس واضح إن الدولة بتهتم بالتهجيص
تحياتى لك
عمرو غريب
إنت قلتها يا عزيزى
ده زمن بحبك يا حمار
فأى حد مش حمار و ملهش فى الحمير ، ربنا يستر عليه
Rodrigo
Obrigado visitando meu blog & importando-se a comentar em meus bornes. Certo eu pagarei uma visita por seu blog, mim gosto de abrir minha mente para culturas novas. Obrigado outra vez & esperá-lo manter-se em visitar meu blog & em comentar em meus bornes.
طب يا سيدي اهو
ما انت بيوصلك حاجات اسباني اهو
امال مسيح لي ليه بس؟
بليفر....معاك قلبا و قالبا..
كنت قد قرأت لأحد الاشخاص في احدى المدونات فكرة فتح التبرع لحساب احد الأقرباء بنية العلاج...الفكرة نفسها جت في بالي من زمان...
كمان ممكن نعمل يوم مفتوح على غرار الفند ريزينج...
في انتظار افكار
Zenzana
يا ساتر على القر، قروا بقى على الرزق اللى بييجى للواحد.
أولا ده مش أسبانى، ده برتغالى، و انا لا ليا فى الاسبانى و لا البرتغالى
:))))
بس الواحد ما بيغلبش، و النت مليان مواقع ترجمة، عصر المعلوماتيه يا بنتى
ثانيا، علشان تبطلى قر، ده راجل، و داخل بيعمل دعايه لموقعه اللى بيبيع تى-شيرتات مصممة خصيصا حسب الطلب.
:)))
يعنى الحكايه مضروبة من كل ناحية، بس انا لسه عندى امل غن ربنا حيرزقنا إنشاء الله
:)))))
SkootHansawat
و الله اللى إبتدى الحملة دى زنزانة، وهيه برضه اللى إقترحت حكاية فتح التبرع لحساب احد الأقرباء بنية العلاج.
بس انا بعد التطورات اللى حصلت، و تكفل الاميرالسعودى بعلاجه، أنا بقلب الإقتراح لناحية تانيه
أولا، ممكن نعمل حفل تكريم للدكتور المسيرى، و تكون الدعوة عامة، و ممكن تبقى فى مكان زى الساقية مثلا.
و ممكن فى حفل التكريم ده،و زى ما فكرت زنزانة برضه، نحاول ننشأ صندوق إجتماعى، زى صندوق تكافل كده.
يكون مسئول عنه شخصية معروفة بالنزهة، و ليكن دكتور المسيرى نفسه
و يكون الصندوق ده هدفه هو حل أزمات علاج المواطنين أحيانا اللى بتبيعهم الدوله دى، و كتير المثقفين النبوذين من أجهة الدولة و اللى ليهم قيمة فكرية ، و تمويله تبرعات من الناس العاديين فقط و هدفه مصر اولا و اخيرا.
إيه رأيكم؟
هيه خطوط عريضة، محتاجة كتير تحسين، بس كبداية فكرة أعتقد إنها ممكن تشد ناس كتير لتطويرها
انا قلت فى مدونتى ان دا راجل من الوحشين المغضوب عليهم
هههههههههههههههه
هو العلم بقى كلام فارغ
سبحان الله
Post a Comment