ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع واللى اشتريته انباع
واللى قابلته راح وفات الأنين
وارجع واقول
أطل بره الباب ياخدنى الحنين
اللى لقيته ضاع واللى اشتريته انباع
واللى قابلته راح وفات الأنين
وارجع واقول
وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع انّ مش كل البشر فرحانين
والنحلايات بتطنّ
والطفل ضحكه يرنّ
مع انّ مش كل البشر فرحانين
صلاح جاهين من فيلم عودة الإبن الضال
* Picture of "Person at the Window" by Salvador Dali
.jpg)
28 comments:
دا حالنا
كلنا لما بنقوم فى الصبح
خالص تحياتى
صباح السكر
منظر البحر من الشباك يهبل
تحياتى لك
:))
Salvador Dali
مع حتة من جاهين
يعمل خليط تحفة
لأ و ايه اسمع بقى صوت ماجدة الرومي و هي بتغنيها
كده فل قووي
اغنية من افضل الاغانى اللى سمعتها فى حياتى وبرغم انى شوفت الصورة ديه قبل كده بس حسيت بكمياء غريبة بينها وبين الاغنية ... بوست جميل جدا
صباح الخير يا بلد
حاسة انى هعيط لول
صلاح جاهين ده عبقري
تحياتي لك يا صديقي
الصورة جمالها صادم و كلام صلاح جاهين مؤلم و جميل في آن واحد....راح اللي راح ما عدش فاضل كتير بس يا ترى مش فاضل كتير على أيه حدوث الأسوأ ام حدوث معجزة.
دمت بخير
بلاش صلاح جاهين وهو مكتئب
وبلاش سلفادور دالي واحساسه بالعظمة
والعبقرية اللي يستحقها
كوكتيل ملغم ومليان متفجرات
اوعي وشك
آه يا دماغى
ده حالنا كلنا، بس بنفضل عايشين و كل يوم بيعدى بحلاوته و مرارته، فيحصل إيه لو كل يوم عدى ننساه، و نفضل دايما بصين لبكرة؟
تحياتى لك
Rania
منورانى يافندم
:)
ح وصل لسيلفادور دالى إعجابك بالبحر بتاعه
:)
البحر ده أنا قصدى بيه بكرة. يبقى إنتى كده متفقة معايا إن بكرة حلو قوى
تحياتى ليكى
Mariam
إنتى جبتى من الآخر، أنا بس معلرفتش أحط ماجدة الرومى فى البوست
:))
بحب السيما
أولا شكرا على الكلام الجميل ده
ثانيا،إنت بتحب السما، و فاهم قيمةالصورة فى اى فكرة. يمكن كل واحد يقراالكلام و يشوف الصورة، إحساسه يبقى مختلف عن كل واحد.
المهم توصلَّك حالة، و تتفاعل معاها
و أنا سعيد غن الحالة دى وصلتلك
:)
تحياتى لك
Spellz
إزاى ح عيط و لول؟
:))
هيه ماشيه مع تركيبة البوست برضه
Micheal
يا صديقى
جاهين من أعظم البنى الآدمين اللى إتولدوا على أرض مصر
و عظمته فى فيضان الإنسانية اللى عنده
محتاجين واحد زيه فى وقتنا ده، واحد يطلع مننا الكلام اللى مش عارفين إنه جوانا أصلا
تحياتى لك يا صديقى
واحد مصرى
طيب ليه نستنى الأسوأ
طيب ليه ما نكملش الأغنية و نقول
"إيه العمل فى الوقت ده يا صديق
غير إننا عند إفتراق الطريق
نبص قدامنا
على شمس أحلامنا..."
حتى لو قدامه أسوا، اكيد اللى قدامه أحسن
تحياتى لك
Zenzana
تعرفى إن البوست ده عاملته بعد ما قريت البوست بتاعك عن محمد خان.
حتلاقيه تقريبا ممكن يكون تعليق عليه
:))
بنصحى كل يوم، بنفتقد حاجات، و بنتعرف على حاجات، و بنعيش اليوم، بنتخنق ساعات، و بنفرح ساعات، بس دايما بنكمل اليوم.
كل ده علشان فيه بكرة.
مش إنتى معايا، لولا بكرة، مكناش طقنا النهارده؟
تحياتى ليكى يا فندم
جميل يوسف شاهين
ورائعة ماجدة الرومى
كلنا هذا الابن الضال
أما آن آوان العودة؟؟؟؟؟؟
بليفر انت فين ياعم
و الله واحشاني كتابتك جدا طمني عليك
انا بقى مش هعلق على جاهين لان معروف رأي فيه
و لا على الحاج دالي
انا بس عايز اسجل تقديري لامكانيات الفرس اللي فالصوره
الله جميل يحب الجمال ياعم و البت مشاء الله عليها عووود
يابختك ياعم دالي انا عرفت مات ليه
( ربنا يستر و اللي بالي بالك مايقراش )
شهروزة
هوه انا إبتديت أؤمن يا شهروزة إن مش إحنا اللى ضلينا، هو الطريق اللى ضل مننا، بس مسيرنا حنلاقيه
على فكرة، مبروك على الرجوع من الغيبة، الحمد لله إن الغيبة مطولتش
:)
يسارى مصرى
يياااااااه
إنت فين يابنى، دانا قلقت عليك، و خصوصا إنك كنت لعبت فى عداد عمرك كذا مرة قبل كده زى ما إنت عارف
:))))
أنا موجود يافندم، بس مش ظاهر لأسباب زحمة الشغل المهولة، انا كنت بشتغل أيام أربعة و عشرين ساعة فى اليوم، و بعدين كان عندى بعض المشاكل التقنية نتيجة لإستخدامى ويندوز فيستا على الكمبيوتر، نزلته من هنا و المودم ضرب من هنا، بس على مين، فضلت وراه لغاية ما إتصلح الحمد لله
ربنا يسهل و أبقى موجود أكتر إنشاء الله، شكرا على السؤال يافندم
تحياتى لك يا صديقى :)
أخي العزيز
عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com
ألوووووووووووووووو
انت
فيييييييييييييييييييييييييييينننننننننننننننننننننننننننننننننننن
صلاح جاهين كمان و كمان
لم ألحظ من قبل العلاقة بين أعمال دالي وجاهين
أشكرك على هذا التكوين
:)
صباح الخير يا مصر
يا احلى ثلاث اللوان ونسر
يا جنة فى ارض ربى
وفى وسط الدنيا قصر
شكرا لك
well done
well done
Post a Comment